وجّه الرئيس عبدالفتاح السيسي رسالة شديدة اللهجة للمعتدين على أراضي الدولة، قائلًا: “اللي عاوز يقنن ويدفع حق الدولة أهلًا وسهلًا.. آخر الشهر ده يكون كله خلصان”.
أضاف السيسي- خلال افتتاحه عددًا من المشروعات التنموية بالصعيد، اليوم الأحد، “إحنا بقالنا سنة ونص في إجراءات إدارية وتنظيمية لصالح المليون ونصف المليون فدان، وبالطريقة دي على ما نخلص الطرح الأول والثاني والثالث من الـ500 ألف فدان ناخد لنا سنتين كمان، مش هينفع كده”.
وتابع السيسي موجهًا حديثه للمهندس عاطر حنورة، رئيس مجلس إدارة شركة تنمية الريف المصرى الجديد: “إحنا كده مش هنخلص المليون ونصف المليون فدان، وبالإجراءات اللي أنتوا ماشين بيها دي مش هنخلص المشروع ده ولا السنة دي ولا السنة اللي بعدها، إحنا لازم نسبق فكر الناس”.
وطالب السيسي رئيس مجلس إدارة شركة تنمية الريف المصرى بعدم التساهل مع المعتدين على أراضي الدولة وبيع الأراضي بثمنها، قائلًا: “الأراضي دي مش بتاعتك ولا بتاعتي، دي بتاعة مصر، واللي عاوز يقنن معاده آخر الشهر”.
أعرب الرئيس السيسي عن حزنه من عدم حسم الأمور مع المعتدين على أراضي الدولة، قائلًا: “أنا زعلان أوي لما حد ياخد أراضي مصر، كده والناس مش لاقية تاكل.. والله ولا فدان واحد حد يأخده”
Alethad Aldawlih
أرسل بريدا إلكترونيا
